| تبليغات | X |
 |
 |
|
| Dramatic Literature |
|
مني تانيماق ايستهين- چاي اوزره بير يومرو قو قوشو و بير باش كيلسه گؤزو، يارپاقلار اوزره اويدورما بير دانيئرييم من، اوْنلار اكيله بيلمهيهجكلر؛ - تانيدينمي مني؟! گيزلهنن كيمدير؟ هيْچقيريب زار- زار آغلايان كيم درهنين تيكان كوْللوغوندا؟ آي؛ هاوايا توللانميش جانا سالينميش قوْرخو كيمي بير پيْچاق يئرلشديرير؛ يئريكلير قانين آغريسي اوْلماغا. قوْي ايچري گليم! دوْنا- دوْنا گليرم سوموگومون ايليگينه قدر! اؤرتولري آچين، سينهلري آچين اؤزومو قيْزديرا بيلن هر يئر اوْلورسا اوْلسون! اوشويورم! منيم مورگولو چيْنقيللارداكي توْزوم اوْدون پيپيگيني آراشديرير داغلار لا خيابانلاردا. دئيهسن قار داشييير مني اؤز لكهلنميش كورهيينده و گؤللر ايسلادير مني اؤز سَرت و سوْيوق سولاريندا. آنجاق بو گئجه گؤرونهجك آل قان ياناقلاريمدا، و كولهيين گئنيش آياقلاريندا سالخيملانان قاميشلاردا. كؤلگه ده اوْلماسين چارداق دا، قوْي آرادان چيْخا بيلمهسينلر! آه بير سينهيه گيرمهيه سينه گريرم بلكه قيْزيشا بيلديگيم بير يئر! منه بير كؤنول! ايستي! سانكي فيْشقيراجاق كؤكسومون داغلاري اوزهريندن؛ قوْيون ايچري گليم، ايذن وئرين منه! (بوداقلارا) هئچ كؤلگه ايستهميرم. منيم ايْشيق هؤروكلريم هر يئري بورومهليدير، قارانليق گؤودهلرين آراسيندا دا ايستهييرم ايْشيق ساچماغين پيْچيلتيسيني، بئلهليكله بو گئجه گؤرونهجك شوخ قان ياناقلاريمدا، و كولهيين گئنيش آياقلاريندا سالخيملانان قاميشلاردا. گيزلهنن كيمدير؟ ائشيگي دئييرم! يوْخ! اوْنلار آرادان چيْخانماياجاقلار! من ايْشيقلانديراجاغام آتلاريني آلماس كيمي پارلاق بير قيْزديرمايلا.
|
|
+ نوشته شده در
87/10/17ساعت 0:56 توسط آيدين سرداري نيا |
|
|
صفحه نخست پست الکترونیک آرشیو |
| درباره وبلاگ |
• Aidin Sardarynia
• Born in 1986, Tabriz • English Language and Literature Student • Activities: Directing of Theatre, Dramatic Literature, Translation, Writing, … |
|
RSS
|