 |
 |
|
| Dramatic Literature |
|
+ نوشته شده در
88/07/28ساعت 3:8 توسط آيدين سرداري نيا |
|
ميخائيل يوريئويچ لئرمانتوودان بير شعر
يوخو
چئويرن: حسين عاريف
داغيستان دره سي، گوٍن اوْرتا واختي، سريلديم طاقتسيز بير گولله يله من، ائله کي، يارامين آغريسي قالخدي، قانيم دامجيلادي آرا وئرمه دن.
تنها اوزانميشديم دره قوموندا، دؤرد يانيم سيٌلديريم، شيش قايالاردي، قيٌزيل قايالاري گوٍن قوْووراندا خبريم اوْلمادي، يوخو آپاردي...
گؤردوم کي، وطنده باشقا جلال وار، آخشام چيٌراغيندا شنليک، ضيافت... گوٍل- چيچک چلنگلي جاوان قادينلار باشلاييب حاقيمدا ماراقلي صؤحبت.
بير نفر صؤحبته قاريشمير يالنيز، چکيليب بير يانا فيکره گئده رک. غملي دويغوسوندا اوْ سئويملي قيٌز يالنيز آللاه بيلير نه لر چکير تک.
گؤزلري اؤنونده گلير داغيستان، همن تانيش جسد، همن بوْش دره... يارالي سينه دن فيٌشقيران آل قان چيله نير توْرپاغا، سوٍزولور يئره...
1841 |
|
+ نوشته شده در
88/07/25ساعت 4:40 توسط آيدين سرداري نيا |
|
ميخائيل يوريئويچ لئرمانتوودان بير شعر
حيات باده سي
چئويرن: احمد جميل
گؤزو باغلي ايچيريک بيز حيات باده ميزي، ايسلادير گؤز ياشيميز زرلي پياله ميزي.
گؤزدن کي، سارغي دوٍشور اؤلومدن بير آز قاباق، بيزي مفتون ائله ين هر شئي يوْخ اوْلور بو واخت.
گؤروروک هئچ نه يوْخدور، بوْشدور قيٌزيل پياله نه واردي- بيزيم دئييل، وارليق دؤنوب خياله!
1831
|
|
+ نوشته شده در
88/07/21ساعت 23:44 توسط آيدين سرداري نيا |
|
|
700 ايلدن آرتيق بوندان اؤنجه ياشايان داهي عاليم قلم صاحيبي، دونيا کلاسيک ادبياتينين ان قالارقي شاه اثرلريندن بيريني يارالدان ايتاليالي شاعير دانته آليگيئري نين آديني چکرکن "ايلاهي کومئديا" اثري نين آدي، ادبيات پنجره سينين بير بوجاغيندان باخميش هر بير کيمسه نين ذهنينه چارپار. 13نجو قرنده، ادبياتچيلارين هاميسي بيرليکده اثرلريني فخر ساييلان اسکي لاتين ديلينده يارالدان زامان، بو ميلّي دوشونجه لي اديب، ادبياتچي نين اؤز آناديلينده يازماسينين گرکلي اولماسيني اورتايا قويوب بو ساحه ده هابئله آناديلينده چوخلو آراشديرمالار آپارديقدان سونرا اثرلريني آناديلينده يازير. بو گؤرکملي شاعيرين "ايلاهي کومئديا" آدلي اوچلوک اثرينين "جهنم" کيتابي نين باشلانقيج پارچاسي اولان بيرينجي نغمه قوللوغونوزا چاتديريلير. بو دونيا شؤهرتلي اثر آذربايجانين گوجلو شاعير و مترجيمي علي آغا کورچايلي نين قلمي ايله آذربايجان تورکجه سينه چئوريلميشدير.
ادامه مطلب |
|
+ نوشته شده در
88/07/07ساعت 7:2 توسط آيدين سرداري نيا |
|
 گؤزلریمیز آیدین اولوب؛ تبریز تئاتری نین قوجامان اوستادی محمود قبه زرین جنابلاری سون زامانلاردا اؤز وئبلاگلارینی یولا سالیب تئاتر خاطیره لری، شعرلرینی و... اورادا یازیرلار. کؤنوللری همیشه جاوان قالسین دئیه سیزلری بو وئبلاگا باش وورماغا دعوت ائدیرم: www.qobbezarrin.blogfa.com |
|
+ نوشته شده در
88/07/02ساعت 3:55 توسط آيدين سرداري نيا |
|
|
صفحه نخست پست الکترونیک آرشیو |
| درباره وبلاگ |
• Aidin Sardarynia
• Born in 1986, Tabriz • English Language and Literature Student • Activities: Directing of Theatre, Dramatic Literature, Translation, Writing, … |
|
RSS
|