عزيز تئاترچي دوْستلاريمدان بيري­نين سيفاريشي اساسيندا بؤيوك اسپانيا شاعير و

درام­يازيچي­سي فئدئريكو قارسيا لوْركانين "قان توْيو" آدلي پيئسي­نين اوچونجو پرده­سي­نين

اوّلينده آي كاراكتئري­نين بير شعر اوْلاراق ديالوقونو اينگيليسجه­دن آذربايجان توركجه­سينه

چئويرديم.

قوللوغونوزا تقديم اوْلونور.

متن نامه كارگردان نمايش "آرامش از نوعي ديگر" اثر تام استاپارد، اجرا شده در دانشگاه آزاد اسلامي واحد تبريز به تاريخ 9 الي 14 آذرماه 1387 خطاب به شوراي فرهنگي دانشگاه آزاد اسلامي واحد تبريز.

*** به نقل از نشريّه آرمان، ارگان رسمي تشكّل آرمان دانشجو، آذرماه 87

   دونيانين چاغداش تئاتر يازيچي­لاري­نين بير چوْخو قلملري ايله مني اؤزلرينه ساري چكيب­لر. تام استاپارد، سام شپارد، دئيويد مَمئت، مارشا نوْرمن و آدلاريني بورادا چكه بيلمه­ ديكلريمين بير چوْخونو بو سيْرادا آد آپارماق اوْلار. بو دراماتورلارين اثرلري صحنه­ لشديرمه و يا ترجومه باخيميندان مني ماراقلانديريب اوْنلارين اوْرجينال­لاريني تاپماغا منده چوْخلو انگيزه يارالتميشلار. اينتئرنئتي تپ- چؤوور ائتمك ده فايداسيز اوْلوبدور، نييه كي بو يازيچي­لارين قئيد- حاياتدا هابئله تانينميش اوْلمالارينا گؤره اوْنلارين اثرلريني اينتئرنئتده پولسوزجاسينا تاپماق مومكون دئييل. آنجاق بو درام­يازيچي­لارين اثرلري­نين ايراندا آذربايجان توركجه ­سي سهلدير فارسجايا دا چئوريلمه­ مه­ سي منيم آختاريشلاريمين داوام تاپماسينا سبب اوْلوب آزما- چوْخ نتيجه ­يه چاتميشدير.

   بو چاغداش يازيچي­لارين بيري 2005نجي ايلده ادبيّات ساحه ­سينده نوْبئل قازانميش هارولد پينتئردير. بو درام ­يازاري­نين يهودي اوْلماسينا گؤره بير زامان – دئمه­ لي هله ده – ايراندا اثرلري­نين صحنه ­لشديرمه ­سي­نين بايكوت اوْلماسي بو دونيا شؤهرتلي تئاترچي­ نين ايراندا تانينماسينا مانع اوْلماييب آدي هر بير ادبيّاتچي­ يا تانيشدير. ياخين كئچميشده تئهرانا ائتديگيم سفرده بو يازيچي­نين اثرلر توْپلوسونون اوچونجو جيلديني اوْرجينال اوْلاراق تاپماغيم مني چوْخلو سئوينديريب ياخين گله­ جكده اوْنلارين آناديليميزه چئويرمه­ سيني باشلاماغين قراريني اؤزومله گلمه­ يه سبب اوْلدو.

   ايندي ايسه اؤزونوز تصوّر ائدين بو بؤيوك اينسانين اؤلوم خبري منه نه آجيناجاقلي اوْلا بيلر. بلي، كريسمس­له بيرگه شاختا بابا بيزلره يئني ميلادي ايلين گلمه­ سي ايله برابر بو درام ادبيّاتي­نين نهنگ قلم صاحيبي­نين دونيا دَييشمه­ سي­نين ده خبريني گتيردي. بو موناسيبتله ياخين گله ­جكده هارولد پينتئردن بير قيْسا بيوقرافي هابئله اوْنون قيْسا اثرلريندن بيري­نين آناديليميزه چئويريلميشيني قوللوغونوزا چاتديراجاغام.