يئنه ده گؤزلريميز آيدين اولسون، نييه كي هر جوره تئاتر ايجراسي

گؤرموشدوق، وئبلاگ ايجراسي گؤرمه ميشديق.

   منيم ايندي ليقدا ايشله ديغيم تئاتر، ايرلندين گؤركملي يازيچي سي ساموئل

بئكئتين كراپين سون ناواري آدلي اثري دير، كي اوچ ديللي ايجرايا

حاضيرلانير: اينگيليسجه، توركجه، فارسجا. بو اثر مونوپيئس (تك بازي)

اولاراق اونون تكجه رولونو تبريز تئاتري نين قوجومان اويونچوسو رضا گل

آور جنابلاري ايفا ائديرلر.

   آقاي گل آور تبريزين آزاد دانيشگاهي نين اينگيليس ديلي و ادبياتي فارغ

التحصيلي، من ده ائله همان دانيشگاهين همان ريشته سي نين اؤيرنجي سي

اولدوغوموزا گؤره فيكريميزه چاتدي ايشيميزين داها آرتيق پيشمه سي و

بازبيني يه آرتيق راق حاضيرلاشماميز اوچون بو دانيشگاهدا اينگيليس

ديلينده بير ايجرا گئداق.

   ...و بئله ليغينان بو بيزيم وئبلاگ ايجراميز ساييلير، نييه كي بو ايجرادا

چاليشميشيق تاماشاچي لارين كامئنت لريني ايشيميزه گؤره اوخويوب يئرلي

گؤرساق اعمال ائله ياق.