خوجالی­ دا آنادان اولان "نورلانه" هله کؤرپه ایکن اسیر دوشدویو زامان، ائرمنی ­لر او قدر باشینا دؤیموشلر کی گؤزلری داها گؤرمه­ سه ده اوره­ یی وطن تورپاقلارینین قاییتماسی سئوگیسی ایله هامیمیزینکیندان ایشیقلیدیر! آشاغیدا اونون شعرینی اوخویورسونوز.  

کؤرپه­ لری نیزه ­لره تاخدیلار

آنالاری یاندیردیلار، یاخدیلار

کئف ائیله ­ییب اؤلنلره باخدیلار

تاریخ سیلمز ظولملرین خوجالی

کؤرپه عؤمروم سنینله بیر قوجالیر

باجی قارداش قار اوستونده قالدیلار

خوجالی ­نی ائرمنی­ لر آلدیلار

دردلیلری پرم- پرم سالدیلار

یارالیدیر منیم قلبیم خوجالی

کؤرپه عؤمروم سنینله بیر قوجالیر

قوجالاری گوللـه ­له­ ییب ییخدیلار

ارنلری قان ایچینده باسدیلار

وحشیلییین زیروه­ سینه واردیلار

اونودولماز بو دردلریم خوجالی

کؤرپه عؤمروم سنینله بیر قوجالیر

خواندن مطلب زیر درباره اجرای نمایش "چیلیس" در تبریز با تاخیر هم اگر باشد به خاطر قلم زیبا و صمیمی خانم آیسان شیوا خالی از لطف نمی باشد.

 یاشام پوئماسی

بورا تئاتر سئنی ، بیرینجی پرده

دایانیب بیر اوغلان کوچه باشیندا

گلن لر – گئدنلر لاپ تله سیرلر

سویویوب اوره یی ، گنجلیک یاشیندا

سئودییی بیر گؤزل پنجره سینده

ایتیبدیر گؤرونمور نئچه گئجه دیر

بیلمزسن ، بیلمه رم ، بیلمه ریک بئله

اورداکی اوغلانین حالی نئجه دیر

بلکه ده نه بیلیم بو ایلک سئوگیسی

داشلارا چیرپیلیب پارام - پارچادیر

آللاها شیکایت نه ائتمک اولار

طالعی چکنلر رنگدیر ، فیرچادیر

بورا تئاتر سئنی ، ایکینجی پرده

بیر ماهنی اوجالیب آللاها چاتیر

اورادا اَیله شن بیگلر ، جنابلار

اورکدن کدری بیر یانا آتیر

یوخ ! یوخ ! اوخشاتمایین بو شعری سیز ده

قدیم ناغیللارا ، اسکی شعرلره

بوراسی نه تویدو نه ده کی قیزی

گلین کؤچوردورلر اوزاق یئرلره

آنجاق کی بورادا پولدور دانیشان

جنابلار دونیانی ساتیب - آلیرلار

هردن ده اوتوزوب قومارلاریندا

درین بیر کدره ، فیکره دالیرلار

بورایا سئوگینین یولو دا دوشمز

آزارسا سئوگینین ساچین بویارلار

سونرا فرانسادا، بیر کازینودا

بؤیوک، طنطنه لی حراج قویارلار

بورا تئاتر سئنی اوچونجو پرده

بیر کیشی آروادین بوشاییب گئدیر

بلکه ده او کیشی بئله دوشونور

بو گوندن گزدییی دینجلییه یئتیر!

کیشی گئده – گئده چیراقلار سؤنور

سنین بوجاغیندا بیر اوشاق دوروب

آنا دا باش آلیب گئدیر بیریانا

اوشاغی زالداکی باخیشلار یوروب

بیری گولومسه ییر ، بیری آغلاییر

بیری هوروت – هوروت باخیر صحنه یه

اوشاغین گؤزلرین یاغیش آپاریر

بو پرده قورتولوب ، باغلانیر یئنه ...

بورا تئاتر سئنی دؤردونجو پرده

اعتصاب میتینگی ، بیری هایلانیب

"کیملر ایش آختاریر کیمسه لر ایشده ؟!"

عنوانلار یوخودا دونن پایلانیب!...

سانما تکجه چؤرک یوخدور اینسانا

گئجه لر ، شهرده آج قارین یاتیر

گئجه نین بوغونتو قارانلیغیندا

بیر اینسان بو یئرین داشینی آتیر

گئدیب باشقا یوردا آدین دَییشیب

حیاتین لذّتین او یئرده آنیر

تیکیلسین دوداغیم دئمه ییم بونو:

یوردونو، تاریخین، آتاسین دانیر

تاریخی وارلیلار، اودانلار یازار

یوخسوللار افسانه قوشوب – یارالدار

هردن جیزیق چکیب اؤز دؤره سینه

دونیانی اؤز الی اونا دارالدار...

بورا تئاتر سئنی ، بئشینجی پرده

دایانیب بیر اوغلان کوچه باشیندا

ائله بیل او آندا ساعاتلار دونوب

آلیشیب اوره یی، گنجلیک یاشیندا

او قیزین باخیشی یئتر اوغلانا

واری دا – یوخو دا ، او گؤزلرده دیر

اونا نه لازیمدیر ژاپن ، فیرانسا

حیاتین لذّتی بو سؤزلرده دیر...

پرده لر باغلانیر، چیراقلار سؤنور

بیر سئوگی دونیانی ساتین آلیبدیر

بیر اوغلان هله ده کوچه باشیندا،

شیرین خیاللارا، فیکره دالیبدیر!...

(بابک قوجازاده )

شالوارلی بولود

دؤرد روس شاعیری

ولادیمیر مایاکوفسکی / آننا آخماتووا/ آلئکساندر پوشکین / مارینا استئوایئوا

ترجمه لر:

رامیز روشن/ آناررضا/ واقیف بایاتلی/ طلعت ایوب/ چنگیز علی اوغلو/ کمال عبدالله/ نگار رفیع بیلی/ مروارید دلبازی/ عباس صحت

حاضیرلایان: آیدین سرداری نیا

  تک درخت یایینلاری - تهران

و نهایت کی زحمتلر بار وئریر...

آنجاق کئشکه تبریزیمیزده اولوب ساعاتلارلا واخت قویاراق تومارلادیغیمیز اثری صحنه ده گؤره بیله یدیم. عزیز دوستلار یئریمی بوش قویون...

منیم کیمی بیریسینه چوخ چتیندیر! دوغرودان چوخ چتین! او قدر چتین کی بوگون اونونلا گؤروشمک سعادتی منه بیر داها قیسمت اولماق بیر یاندان همیشه کی کیمی دیله سیغماز بیر بخته ورلیک اولموش اولسا دا، بیر یاندان اوره ییم نیسگیللی قالدی. منیم کیمی ائو اوشاغی اولان بیریسی نه سربازلیق خیدمتینه گئتمیش نه ده لیسانس دؤنمینی باشقا بیر شهرده اوخویارکن قدیمکیلر دئمیشکن آدام اولموش بیریسی اولمادیغیم حالدا بوگون 2011-جی ایل ائکیم آیینین اون سکگیزی، ائودن آیریلالی اون دوققوز گون دولوبدور. ائودن آیریلیب آنکارایا گلمه م درس اوخوماق هدفی ایله اولسا دا آناملا باجیمی تک بیر ائوده بوراخیب باشقا اؤلکه یه گلمک منیم کیمی دانقازلیق ایستر.

هر حالدا اون دوققوز گون تیلیفون دالیندا آناملا دانیشدیغیم هر بیر دفعه فیلیم اویناییب یوخ هر شئی یئرینده دیر دئمک آداما نه توخداقلیغی وئره بیلر کی، اؤزو ده بیر حالدا کی دونیادا بالاسینین اوره ییندن کئچنی بیلمه ین آنا تاپیلمایان حالدا، حتی بئله تیلیفون آرخاسیندا دا اولموش اولسا. بئله بیر حالدا بؤیوک بابام... اوه اوه کیریخدیم! اوستادیم... بلی، اوستادیمیز دوکتور هئیت ی آنکارادا گؤرمک... اوووووف آداما ائله یاپیشار... ائله یاپیشار کی ها... لاپ ائله کوکو دادی وئرر با! بو لاپ آدامین ان یاخین قوهوملاریندان بیریسینی گؤرمکدیر سانکی. اوندا کی دوکتور هیئت 86 یاشیندایکن حافیظه سیندن باشقالارینین نئچه برابری ایش چکدییینه گؤره بیریسی ایله گؤروشرکن هله هله خاطیرلامادیغی حالدا منی گؤرجک تانیییر! اوندا کی زمانه میزین دده قورقودو آدلانان دوکتور هیئت ین گؤروشونه گئدنلر بیر بیر اؤزلرینی تانیتدیرماق مجبوریتینده قالدیقلاری زامان سیرا منه چاتدیغیندا دوکتور هیئت بویورورلار: "قوی سنی من تانیتدیریم!" و یا مجلیسین سونوندا هامی دوکتور هیئت له عکس سالدیرماق ایسته دییی حالدا منه سؤیلورلر: "به سن مننن عکس سالدیرماق ایسته میرسن؟! آخی سن بیزه ایکی قات عزیزسن!" آدام بئلنچی شراییطده منیم کیمی پافئت اولمالیدیر کی زورلا اؤزونو ساخلاییب بو عظمتده بیر اینسانی باغرینا باسماسین.

اؤز آرامیزدیر 70-80 نفرلیک بیر جمعده یوخاریدا دئدییین ایستکلریوین یئرینه یئتیریلمه سی ائله ده راحات ایش دئییلدی دا آخی آیدین سن ده! آما یئنه اؤز آرامیزدیر همیشه کی تجروبه م بیر داها تکرار اولدو: پروفسور دوکتور جواد هیئت حضرتلری ایله گؤروشمک منی اؤز گنجلیییمدن اوتاندیردی، هم ده بوللو ائنئرژیلندیردی! اؤزللیکله ده کی بو اولو اینسان قاپی آغزیندا سون ساغ اوللاشماسینی ائدرکن: "من بوگون 16 یاش جاوانلاشدیم،"- سؤیله دیکلری حالدا.

آغاج کؤکوندن سو ايچمه­ لي!

1390-جي ايلين خورداد آييندا تبريزده صحنه يه گئتميش «ائلچيليق» و «آيي» تئاترلارينا بير باخيش

بو مقاله «آفتاب آذربايجان» درگيسينين 54-جو ساييسيندا چاپ اولونموشدور

تبریزین اؤپولموش، امین اول داداش!

      زیندان دووارلاری سنه داریخمیش!

یئنیجه یولا دوشموش آیــالــامــا نئت درگیسینده اوخویا بیلرسینیز:

دونیا درام ادبیاتینین کومئدی اژداهاسی مولیئردن بیر شاه اثر؛

چـــیـــــلــــیــــس!

فرانسیزجادان چئویرن: اولکر اوجقار

ائدیتور: آیدین سرداری نیا

آفتاب آذربایجان درگیسینین سون ساییسیندا - 1390/خورداد آیی/سایی 54 - مندن ایکی مطلب اوخویا بیلرسینیز:

1. ائل دردینی چکن قوجامان (پروفسور دوکتور جواد هیئت ایله اؤزل دانیشیق)

2. آغاج کؤکوندن سو ایچمه لی! ("ائلچیلیق" و "آیی" تئاترلارینا بیر باخیش)

فصل اوّل رمانِ

موزه ی معصومیت

اثر برنده ی جایزه ی نوبل ادبیات 2006

اورهان پاموک

نویسنده، این اثرش را به دخترش رویا تقدیم کرده است.

گزارشی از نمایش ترکی «آلین یازیسی»؛
در حوزه نمایش ترکی کم کاری شده است
نمایش ترکی منحصر به کمدی نیست

   آذربايجان ديلي، ادبياتي، تاريخي، فرهنگي و مدنيتي ساحه سينده

يورولمادان چاليشان دَيَرلي اختر نشرياتي ايران سطحينده ايلين ان اوغورلو

ناشيري کيمي سئچيلميشدير. بو موفقيتي فرهنگ سئور ائليميزه، اؤزلليکله

اختر نشرياتينين حؤرمتلي مودورو صمد آغا آسيابي جنابلارينا تبريک دئييب

گله جکده داها آرتيق باشاريلار آرزيليرام.  

صاباح 89/9/10 اوستاد قبّه زرین ین تشییع جنازه سی بو تالارین قارشیسیندان کئچیریله جک!

هر کیمدن آییرسان منی، تبریزدن آییرما  

                بو سئوگیلی یوردون نفسین بیزدن آییرما

اینسانه وطن، روکنی- تواندیر، دایاناق دا

                آللاهینا باخ، طاقتیمی دیزدن آییرما

تبریزله عزیز اولدوم، ایزیم قالدی جاهاندا

                توفانه دؤنوب گل منی بو ایزدن آییرما

چوخلار سؤزودور، شهری- بلادیر بو بلاخیز

                من زادی- بلانی بو بلاخیزدن آییرما

آخسام آرازام، آخماسام آنجاق قورو باتلاق

               دریا چاغیریر، گل ائوی ائوسیزدن آییرما

محمود قبّه زرین (آراز)

   تبریزده قارداشلارین سنی بیر عؤمر ماحمود داداش دئیه- دئیه چاغیردیلار؛ تهراندا غلامحسین ساعدی یه سنی ماحمود داداش چاغیرماغا هئچ ایذن وئردیلرمی؟

   تهرانین وحدت تالارینا سؤیله یین بوراخسین آرازیمیزی؛ بو آراز آراز ایله بیرگه چاغلاماق ایسته ییر. وحدت تالارینین قارشیسیندان یولا سالین گلسین تبریزین گول اوغلون، مئهریبان اوغلون! آخی آشیغی بیر عؤمر تبریزده "چال آشیق" دئیه- دئیه چالدیرماغا چاغیرماق ایسته ییب بو تورپاغین اییید اوغلو! تهراندا یوخو آلمیش گؤزونو...

   آی بالام! بالا باغداکی شیر و خورشید تالارینین آدرئسینی بیلن وارمی؟! تهران، وحدت تالارینین قارشیسیندان یولا سالسا دا؛ تبریز، بو خلف ائولادینی بو تالارین قارشیسیندان یولا سالماق ایسته ییردی آخی...

   محمود قبّه زرین سون اویونونو "الویداع" آدلی تاماشاسیندا اویناماق ایسته ییر. بالا باغین دا، شیر و خورشید تالارینین دا، ایندی دئمک اولار ارک ین ده آدرئسینی تاپا بیلمه دیییمز اوچون بو نوماییش باشقا یئرده صحنه لشدیریله جک! گؤروشوموز: تبریز/ تاریخ قبریستانی/ اؤلمزلر بؤلومو/ جلیل محمّد قولوزاده، بؤیوک خان نخجوانی، غلامحسین ساعدی، اسد صادقی، و... نهایتده شیر و خورشید تالارینین مزارلاری جیواری. سایغیلی تاماشاچیلاردان ایسته نیلیر اوستاد قبّه زرین ین بو سون تاماشاسی ایجرا اولا- اولا موبایللاریزین سسینی باغلایاسیز؛ آخی تبریزین تاریخ قبریستانینین اؤلمزلر بؤلومونده یاتانلار دوروب تبریزین تئاترینین جان اوسته اولماسینی دویسالار سوموکلری تیتره مه یه باشلار! ساغ اولون.

و نهایت کی تبریز هونرمندلریندن باشقا بیریسینین ده باغری سؤکولدو...

آذربایجان باشین ساغ اولسون...

تهران تشییع جنازه سی: سه شنبه گونو، 89/9/9، سحر ساعات 9، وحدت تالاری

تبریز تشییع جنازه سی: چهارشنبه گونو، 89/9/10، ...................، ..................

آذربایجان خالق ناغیلی اساسیندا یازیلمیش منظوم پیئس:

آپـاردی سـئللر سـارانی

(بیرینجی و ایکینجی حیصّه)

کماله (آغایئوا)

بورادان ائندیره بیلرسینیز

آذربایجان درام ادبیاتی تاریخینین اؤلمز اثری:

اؤلـــولــر

(بیرینجی پرده)

جلیل محمّدقولوزاده

بورادان ائندیره بیلرسینیز

یادداشت وبلاگ "پاراگراف" در مورد دلایل توقیف رمان "مردگان باغ سبز" نوشته ی "محمد رضا بایرامی"

"آلما باغي" بلاگيندا اوستاد قبّه زّرينه گؤره يازيلميش يازيني پايلاشيرام:

http://almabagi.blogfa.com/